Монгол Улсад орон зайн өгөгдлийг олон байгууллагад салангид, давхардсан, стандартгүй хэлбэрээр цуглуулж ирсэн бөгөөд үүнээс шалтгаалан нэг ижил өгөгдлийг хэд хэдэн байгууллага давхар үүсгэх, өгөгдлийн үнэн, зөв байдал, хоорондын уялдаа алдагдах асуудал тулгамдсаар ирсэн. Тус хуулийн төсөл нь Монгол Улсад Үндэсний Орон зайн өгөгдлийн дэд бүтцийг байгуулах, нэгдсэн бодлогоор хангах боломжийг бүрдүүлсэн. Тус хууль хэрэгжсэнээр, давхардсан өгөгдөл цуглуулалтыг бууруулах, үнэн зөв өгөгдөл солилцох, нэгдсэн стандарттай өгөгдлийн сан бүрдүүлэх, иргэд, хувийн хэвшил орон зайн өгөгдөлд хялбар нэвтрэх, ашиглах, төрийн байгууллагууд өгөгдлийг шуурхай солилцож, салбар хоорондын уялдааг хангасан шийдвэр гаргалтыг дэмжих, тогтвортой хөгжлийн зорилтыг хангахад дэмжлэг үзүүлэх чухал ач холбогдолтой.